اے ایم یو کے بِرج کورس میں ’اختلافات کے آداب‘ موضوع پر پروفیسر سعود عالم قاسمی کا خطاب

🌙 ہماری تہذیب کی جانب سے
آپ سب کو رمضان مبارک! ✨

چاند اور تارے

علی گڑھ۔’’جتنا اہم مسئلہ بین المذاہب تفاہم کا ہے اتنا ہی اہم مسئلہ بین المسالک تفاہم کا بھی ہے۔ اختلافات کے علمی و سماجی دو پہلو ہیں۔ اللہ تعالیٰ نے تمام انسانوں کو ایک امت نہیں بنایا۔ اللہ نے اس چمن میں گلہائے رنگارنگ پیدا کئے ہیں۔ ہر شخص کو زندگی گزارنے کی آزادی دی ہے تو ہمیں بھی اس آزادی کو قبول کرکے چلنا چاہئے۔ فکر و نظر کی آزادی جب تک رہے گی تب تک یہ اختلافات مذاہب و مسالک موجود رہیں گے‘‘۔ ان خیالات کا اظہار پروفیسر محمد سعود عالم قاسمی نے علی گڑھ مسلم یونیورسٹی کے بِرج کورس میں ’’اختلافات کے آداب‘‘ موضوع پر ایک توسیعی خطبہ دیتے ہوئے کیا۔ انھوں نے کہاکہ اللہ نے انسانوں کو آفاق و انفس میں پھیلی ہوئی اپنی وحدانیت کی نشانیوں کی بنیاد پر غور و فکر کرکے زندگی گزارنے کی تعلیم دی ہے۔ انھوں نے کہاکہ ایک اختلاف فطری ہے جب کہ دوسرا اختلاف غلط ذہنیت، بغاوت اور بغض و حسد کی بنیاد پر ہوتا ہے۔ اس دوسرے اختلاف کی ممانعت کی گئی ہے۔ قرآن نے جابہ بجا اختلاف معاندانہ کی ممانعت کی ہے۔ قرآن مصدر ہدایت بھی ہے اور مصدر وحدت بھی۔ اسی طرح رسول کی ذات اقدس بھی ہے۔

آپﷺ نے اپنی زندگی میں صحابہ کرام کو کچھ چیزوں میں اختلاف کی اجازت دی ہے۔ اختلافِ قرأت کو نبیﷺ نے گوارا فرمایا، لہجوں کے اختلاف کو باقی رکھا لیکن قرآن لکھا تو جائے گا قریش کی زبان میں۔ ایک روایت کے مطابق آپ نے صحابہ سے فرمایا کہ عصر کی نماز بنی قریظہ پہنچ کر پڑھی جائے گی۔ مقصد یہ تھا کہ وہاں پہنچنے کے لئے رفتار تیز کی جائے، لیکن بعض صحابہ نے وقت ہونے پر راستے ہی میں نماز پڑھ لی اور کچھ نے نہیں پڑھی۔ دونوں گروپوں کے عمل کو آپ نے گوارا فرمایا۔ صحابہ کرام کے زمانہ میں بھی اختلافات کی مثالیں ملتی ہیں۔

نصوص کو سمجھنے میں اختلاف ہوسکتا ہے، غلطی بھی ہوسکتی ہے اور تنوع بھی ہوسکتا ہے۔ نصوص کے الفاظ کہیں حقیقی معنی میں استعمال ہوتے ہیں اور کبھی مجازی معنی مراد ہوتے ہیں۔ کبھی لغت کا اختلاف ہوتا ہے اور ایک لفظ کے کئی معانی ہوسکتے ہیں۔پروفیسر قاسمی نے مزید کہاکہ اسی طرح احادیث جن طریقوں سے ہم تک پہنچی ہیں ان میں بھی اختلافات پائے جاتے ہیں۔ امام مالک اپنے استنباط میں عمل اہل مدینہ کو دیکھتے تھے، امام شافعی حدیث کے مرتبہ کو ترجیح دیتے تھے اور احناف ان میں قدر مشترک کے قائل تھے۔ امام مالک نے اپنی مؤطا کو اسٹیٹ کا دستور بنانے سے منع کیا اور کہاکہ سبھی ائمہ و فقہاء کے یہاں دوسری روایات اور افتاء موجود ہیں۔ سبھی کو اپنی فہم و فراست کے لحاظ سے عمل کرنے کی اجازت ہے۔

اسی طرح سود کی حرمت کی روایات کو سبھی فقہاء نے اپنی اپنی فہم و فراست کے مطابق انطباق کیا۔ نماز کے اختلافات بھی اسی قبیل کے ہیں۔ پروفیسر قاسمی نے کہا کہ انسان اپنی خواہش کو اپنا امام بنالیتا ہے اسی لئے وہ گمراہی کی راہ پر چلا جاتا ہے۔ اگر آپ حق پر چلنا چاہتے ہیں تو اپنے نفس کے شرور سے پناہ چاہنی چاہئے۔ علم غرور و تکبر کی طرف لے جاتا ہے۔ ہمیں تع صبات کی زیریں لہروں سے نکلنا ہوگا۔ پروگرام کی صدارت جناب نسیم احمد خاں، ڈائرکٹر،بِرج کورس نے کی۔نظامت ڈاکٹر حارث بن منصور نے کی اور کلمات تشکر جناب صباح الرحمٰن، اسسٹنٹ ڈائرکٹر نے ادا کئے۔

Related Posts

برج بنائے لیکن دیوار اٹھانے کا کام بند کیجئے: عارف محمد خان

تعلیم کے ذریعہ سمندر میں راستہ بھی بنایا جا سکتا ہے: ڈاکٹر اظہار احمد پٹنہ۔ بھائی چارہ اور محبت سے ہی حالات بدل سکتے ہیں اور یہ تعلیم کے ذریعہ…

Read more

نشہ ہر برائی کی جڑ ہے،ہرطرح کی منشیات سے دوررہیں:آئی پی ایس وجئے پرتاپ

گاؤں ساکرس میں ’نشا مکتی و سماج سدھار ابھیان ‘کے عنوان سے 24 گاؤں کی مہا پنچایت کاانعقاد نوح۔ گاؤں ساکرس میں ’نشا مکتی و سماج سدھار ابھیان ‘کے عنوان…

Read more

کڈس پیراڈائز اکیڈ می میں سائنس ایگز بیشن کا شاندار انعقاد کیا

دربھنگہ ۔ تعلیم انسانی زندگی کا بنیادی ستون ہے، اور تربیت اس کی عملی صورت ہے۔ اگر تعلیم روشنی ہے تو تربیت اس کا چراغ، جو شخصیت کو سنوارتی اور…

Read more

بچوں کا ادب لکھے بغیر کوئی بھی بڑا ادیب و شاعر نہیں بن سکتا:محمد احسن عابد

نئی دہلی۔ کسی بھی زبان میں بچوں کے ادب کی بڑی اہمیت ہوتی ہے،جس کاسلسلہ طویل عرصے سے جاری ہے۔بچے ہر قوم کا بیش قیمت اثاثہ اور سرمایہ ہوتے ہیں،لہٰذا…

Read more

زراعت پر مبنی صنعتوں کو ترقی دینا ریاستی حکومت کی ترجیح :وزیر اعلیٰ ڈاکٹر یادو

بھوپال۔وزیر اعلیٰ ڈاکٹر موہن یادو نے کہا ہے کہ زرعی کیمیکلز کے لامحدود استعمال کی وجہ سے ماحولیات اور انسانی صحت بری طرح متاثر ہو رہی ہے۔ اس لیے نامیاتی…

Read more

اپنے بچوں کی اچھی تعلیم وتربیت کا انتظام کیجئے:مولانا احمد

مدرسہ رحمانیہ نسواں جمالپور کا سالانہ جلسہ،علماء کرام کا پر مغز خطاب، تعلیم اورمعاشرہ کی اصلاح پر زور دربھنگہ ؍ جمالپور۔مدرسہ رحمانیہ نسواں جمالپور ضلع دربھنگہ کا سالانہ جلسہ بڑے…

Read more

Leave a Reply

Your email address will not be published. Required fields are marked *