🌙 ہماری تہذیب کی جانب سے
آپ سب کو رمضان مبارک! ✨

سنگھواڑہ دربھنگہ ۔وزیر اعلی نتیش کمار کی پرگتی یاترا ترقی کے ساتھ انصاف کی علامت ہے مذکورہ باتیں جے ڈی یو کے سینئر لیڈر اور گورا بورام اسمبلی حلقہ کے سابق ایم ایل اے ،وسابق تخمینہ کمیٹی کے چیئرمین ڈاکٹر اظہار احمد نے مذکورہ باتیں جے ڈی یو میڈیکل سیل کے ریاستی نائب صدر ڈاکٹر ساجد مشتاق کی جانب سے کٹا سا میں منعقدہ اعزازیہ تقریب میں کہی۔
انھوں نے کہا کہ متھلانچل میں این ڈی اے حکومت کی کامیابیاں سب کے سامنے ہیں جن میں ایمس، ہوائی اڈہ، میٹرو اسٹیشن کی تعمیر شامل ہے۔ یہ وزیر اعظم نریندر مودی اور وزیر اعلیٰ نتیش کمار کی بہتر سوچ کا نتیجہ ہے کہ یہ ساری چیزیں زمین پر دکھ رہی ہیں ، انھوں نے کہا کہ 11 جنوری کو دربھنگہ اور سمری میں وزیر اعلی نتیش کمار کی مجوزہ پرگتی یاترا کی تیاریاں جنگی سطح پر چل رہی ہے – بھراٹھی زرعی فارم میں واقع بڑے شیلٹر ہوم، سمری اسکول میں کستوربا ہائی اسکول، اقلیتی ہاسٹل، اسپورٹس گراؤنڈ، پنچایت گورنمنٹ بلڈنگ اور چندسار پوکھر کا بیوٹی فی کیشن کو دیکھ کر لگتا ہے کہ بہار حکومت شہر کے ساتھ ساتھ گاوں کو بھی چمکانے کے لئے مسلسل کوششیں کر رہی ہے جے ڈی یو کے ریاستی جنرل سکریٹری احسان احمد نے کہا کہ بہار حکومت تمام طبقات کو عزت دیتے ہوئے ترقیاتی کاموں کو ترجیح دے رہی ہے۔
آئندہ اسمبلی انتخابات میں جے ڈی یو پوری ریاست میں بہتر کارکردگی دکھائے گی اور نتیش کمار وزیراعلیٰ بنیں گے۔ ڈاکٹر ساجد مشتاق نے آئے ہوئے مہمانوں کا متھلانچل کی قدیم روایت کے مطابق پاگ اور شال اوڑھا کر شاندار خیرمقدم کرتے ہوئے کہا کہ طب اور صحت کے شعبے میں بڑے پیمانے پر تبدیلیوں کے درمیان ہسپتال میں تمام سہولیات فراہم کی جا رہی ہیں اس دوران سنگھواڑہ سی ایچ سی پہنچ کر سابق ایم ایل اے نے حکومت کی جانب سے عوام کو ملنے والی سہولتوں کی جانکاری محکمہ صحت کے میڈیکل انچارج ڈاکٹر پریم چندر سے لی موقع پر انجینئر شا ہ نواز احمد، ابو سعید، محمد نوشاد، اجمل حسین اور دیگر موجود تھے۔