🌙 ہماری تہذیب کی جانب سے
آپ سب کو رمضان مبارک! ✨
پٹنہ۔ پرگتی یاترا کے دوران بکسر ضلع میں چل رہے ترقیاتی کاموں کے بارے میں کلکٹریٹ آڈیٹوریم میں وزیر اعلیٰ نتیش کمارنے جائزہ میٹنگ کی۔جائزہ میٹنگ میں بکسر کے ڈی ایم انشول اگروال نے ضلع میں چل رہے ترقیاتی کاموں کی رفتار اور موجودہ صورت حال کی پریزنٹیشن کے ذریعے تفصیلی جانکاری دی۔
جائزہ میٹنگ کو خطاب کرتے ہوئے وزیر اعلیٰ نے کہا کہ میں آپ تمام لوگوں کا اس میٹنگ میں خیر مقدم کر تا ہوں۔بکسر ضلع کے ڈی ایم مسٹر انشول اگروال نے ضلع میں چل رہے ترقیاتی کاموں کی جانکاری دی ہے۔ ہمارا مقصد ہر طرح سے بہار کی ترقی ہے۔ بی جے پی کے ساتھ مل کر 24نومبر 2005کو ہم لوگوں کی بہار میں حکومت بنی تھی۔سال2005سے سے پہلے بہار کی کیا حالت تھی۔ آپ تمام لوگ اس سے واقف ہیں۔ لوگ شام کے بعد گھروں سے باہر نکلنے سے ڈرتے تھے۔
ہندوؤں اور مسلمانوں کے درمیان جھگڑے ہو تے تھے ،جسے ہم نے ختم کیا۔ اسپتالوںمیں علاج کا انتظام نہیں تھا۔ سڑکیں خستہ حال تھیں تعلیم کی صورت حال بہتر نہیں تھی سڑکوں کی بہت کمی تھی اسپتالوں میں مریضوں کو دوائیں نہیں ملتی تھیں۔جب بہار کے لوگوں نے ہم لوگوں کو کام کر نے کا موقع دیا،اس وقت سے بہار کی حالت بد لی ہے ہر شعبہ میں ترقیاتی کام کیے جارہے ہیں۔ بہار میں اب ڈر اور خوف کا ماحول ختم ہو گیا ہے۔ امن اور بھائی چارہ کا ماحول قائم۔سال 2005کے بعد ہم لوگوں نے بہار میں ترقیات کے جوکام کیے ہیں اسے یاد رکھئے گا۔شروع سے ہی ہم لوگوں نے بہار میں ترقیاتی کام کر نا شروع کیااس وقت سے مسلسل ہم لوگ بہار کو آگے بڑھا رہے ہیں۔سابق وزیر اعظم اٹل بہار واجپئی جی کے دور اقتدار میں ہی بڑے پرمانے پر سڑکوں کی تعمیر کا کام کیا گیا۔انہوں نے ہی ہمیں بہار کا وزیر اعلیٰ بنا یا۔ پارٹی کے کچھ لوگوں کی غلطی سے دو مرتبہ اْدھر چلے گئے تھے۔اب ایسا نہیں ہو گا۔
وزیر اعلیٰ نے کہا کہ بہار میں پہلے بجلی کی حالت بہت خراب تھی۔دیہی علاقوں کی بات چھور دیجئے راجدھانی پٹنہ میں بھی یومیہ بجلی زیادہ سے زیادہ 8سے زیادہ بجلی کی سپلائی نہیں ہوتی تھی۔ ہندو مسلم تنازعات ختم کرنے کے لیے ہم نے سال 2006 سے ہم نے قبرستانوں کی گھیرا بندی شروع کی۔ اب تک 8 ہزار سے زائد قبرستانوں کی گھیرا بندی کی جاچکی ہے 1273مزید قبرستانوں کو نشانزد کیا گیا ہے۔ جس میں سے 746قبرستانوں کی گھیرا بندی کرا دی گئی ہے اور باقی بچے قبرستانوں کی گھیرا بندی کا کام بھی کرا یا جارہا ہے۔
