🌙 ہماری تہذیب کی جانب سے
آپ سب کو رمضان مبارک! ✨

ام سلمی

جمالپوردربھنگہ

رمضان المبارک برکتوں اور رحمتوں کا مہینہ چند دنو ں میں ہمارے سرو ں پر سایہ فگن ہونے والا ہے ۔، اور اس دوران کھانے پینے کی اشیاء کی مانگ میں خاصا اضافہ ہو جاتا ہے۔ اس لیے مارکیٹنگ کی مؤثر حکمت عملی اپنانا ضروری ہے تاکہ رمضان کا مقدس مہینے میں وقت ضائع ہوئے بغیر ضروریات کو بہتر طریقے سے پورا کیا جا سکے اور عبادت میں خلل نہ ہو۔

رمضان المبارک کی آمد کے ساتھ ہی ہر مسلمان کے دل میں ایک نئی روحانی تازگی اور جوش پیدا ہوتا ہے۔ یہ مہینہ عبادت، صبر، خیرات اور نیکیوں میں اضافے کا موقع ہوتا ہے۔ ایک عام مسلمان رمضان کی تیاری مختلف طریقوں سے کرتا ہے تاکہ وہ زیادہ سے زیادہ برکتیں حاصل کر سکے۔ رمضان محض روزے رکھنے کا نام نہیں، بلکہ یہ نفس کی تربیت اور اللہ کی قربت حاصل کرنے کا مہینہ ہے۔ اس لیے عام مسلمان رمضان سے قبل اپنی عبادات کو بڑھانے کی کوشش کرتا ہے، زیادہ سے زیادہ نوافل ادا کرتا ہے، قرآن کی تلاوت میں اضافہ کرتا ہے اور ذکر و اذکار کو اپنی روزمرہ زندگی کا حصہ بنانے کی سعی (کوشش )کرتا ہے۔

رمضان میں صحت مند اور متوازن خوراک ضروری ہوتی ہے تاکہ روزے کو بہتر طریقے سے رکھا جا سکے۔ ایک عام مسلمان رمضان سے قبل کھجوریں، مشروبات، دالیں، آٹا، چاول اور دیگر ضروری اشیاء کا ذخیرہ کر لیتا ہے تاکہ سحری اور افطار میں آسانی ہو۔ رمضان نیکیوں اور دوسروں کی مدد کرنے کا مہینہ ہے۔ عام مسلمان اس موقع پر زکوٰۃ، صدقہ اور فطرانہ ادا کرنے کی تیاری کرتا ہے۔ وہ غریبوں، مسکینوں اور ضرورت مندوں کی مدد کے لیے رقم مختص کرتا ہے اور خیراتی کاموں میں بڑھ چڑھ کر حصہ لیتا ہے۔

رمضان کے دوران وقت کی اہمیت بڑھ جاتی ہے۔ ایک عام مسلمان کوشش کرتا ہے کہ وہ وقت پر نماز ادا کرے، کام اور عبادت میں توازن رکھے اور فضولیات میں وقت ضائع کرنے کے بجائے نیک اعمال کی طرف متوجہ ہو۔ یہ مہینہ محبت اور بھائی چارے کا درس دیتا ہے۔ عام مسلمان کوشش کرتا ہے کہ وہ اپنے گھر والوں اور رشتہ داروں کے ساتھ زیادہ وقت گزارے، دوسروں کے ساتھ حسن سلوک کرے اور کسی سے ناراض ہو تو اسے معاف کر دے۔ رمضان کی تیاری صرف ظاہری طور پر نہیں بلکہ باطنی طور پر بھی ضروری ہے۔ ایک عام مسلمان جب اس مقدس مہینے میں پوری نیت اور لگن کے ساتھ عبادات، خیرات اور صبر کی راہ اختیار کرتا ہے، تو وہ اللہ کی رحمت اور مغفرت کا حق دار بن جاتا ہے۔

رمضان المبارک 2025کے مقدس مہینے سے پہلے، بازارو ں میں خریداروں نےشہروں میں پہلے سے ہی آرڈر دینا شروع کردیئے ہیں، جس سے بازاروں میں ایک بار پھر ہجوم امڈ پڈا ہے۔ جیسے جیسے مقدس مہینہ قریب آرہا ہے،شہر اور دیگر حصوں میں روزے کی اشیاء کی مانگ بڑھ گئی ہے اور تاجروں کو آرڈرز کی بڑھتی ہوئی تعداد کو برقرار رکھنے کے لیے جدوجہد کرنا رہاہے۔

رمضان المبارک میں تقریباً 10 دن باقی ہیں، انہیں پہلے ہی بڑے پیمانے پر اور باقاعدہ آرڈرز موصول ہونا شروع ہو گئے ہیں۔ جیسے جیسے رمضان قریب آرہا ہے، تاجروں اور دکانداروں کو آنے والے دنوں میں مانگ میں مزید اضافے کی توقع ہے۔ رمضان کے دوران دیگر مہینوں کی نسبتاً کھجور کی فروخت میں تیزی آتی ہے۔تاجرو ں کا کہناہے کہ ہماری دکان پر کھجور کی فروخت سال بھر ہوتی ہے اور ہم تقریباً تمام قسم کی کھجوریں فروخت کرتے ہیں لیکن رمضان کے مہینے میں ہماری فروخت آسمان کو چھوتی ہے۔